叮噹最愛護既就梗係大雄啦。大雄佢天生比較唔係咁聰

明﹐再加上佢後天懶惰既性格﹐好多時都簡直激死叮噹﹐每

次都搞到叮噹唔知幫佢好定唔幫佢好。所以﹐叮噹好多時都

為左大雄佢好而忍手唔想隨便拿法寶出黎幫佢﹐不過好多時

叮噹佢都會心軟。但又好多時﹐大雄晌叮噹唔為意既情況下

實在已經靜雞雞偷走左叮噹既法寶。到叮噹發現時﹐大雄通

常都已經闖左大禍﹐結果就梗係又要叮噹再拿法寶出黎幫手

解決啦﹗
 

    靜宜係大雄從小到大便已心儀既對像。長大左既大雄終

於都娶到靜宜做佢老婆﹐一齊重生左個仔叫雄助添。靜宜本

身係一個詩文大方﹐絕對稱得上為一個百分百既好女仔﹐不

過佢都唔係無缺點﹐而佢最大既缺點就梗係佢既過份潔辟啦。

佢從來都無好似大雄﹐技安﹐同牙擦仔等人咁經常無理地要

求叮噹拿出法寶。同靜宜一樣係咁品學兼優既太郎﹐曾經一

道差點成為大雄既情敵﹐大雄曾經以為自己會輸俾太郎﹐幸

好大雄最終都靠自己贏得靜宜。

    牙擦仔係一個自大﹐自私﹐同自戀狂集中於一身既擦鞋

仔。佢絕對唔係一個有性格既人。佢最叻既就係見高就拜﹐

見低就踩﹐所以經常同技安出雙入對。表面上好似當技安係

好朋友﹐但實際只不過係怕左技安﹐唔想自己好似大雄咁經

常俾技安打。因為牙擦仔以為自己生得靚﹐所以平時一得閒

就最鐘意照鏡。佢唯一最有自知知明既就係佢知道自己生得

唔夠高。牙擦仔佢認為只要自己再高一點﹐更是十全十美﹐

所以佢曾經試過向叮噹求助﹐希望叮噹有法寶可以令到自己

長得高一點。

　 技安係一個粗魯﹐貪心﹐同無愛心既肥仔。佢邊個都唔

驚﹐最驚既就只有佢媽媽。技安經常都鐘意無緣無故咁搵人

出黎俾佢打﹐而佢通常都一定首先搵大雄。所以每當技安唔

開心既時候﹐大雄都一定唔會有好日子過。技安本身既志願

係當歌星﹐同牙擦仔一樣﹐無自知知明既技安經常都會開個

人演唱會。而通常都唔會有人敢唔去聽﹐因為邊個唔黎技安

就會打邊個﹐所以每次既演唱會都會好“成功”﹐而每次技

安都會好滿足咁再計劃下一個演唱會﹐對佢黎講﹐每次開演

唱會都會令佢既信心有增無減。但對其它人﹐就係一個永遠

都唔完既惡夢。