真係唔係咁記得我係幾時開始迷上叮噹架咯﹐應該係大約小學既時候掛﹖記得晌個段時間﹐其實除左叮噹之外﹐重有好多好好睇既卡通片我都好鬼鐘意既﹐例如好似﹕“IQ 博士”﹐“忍者小靈精”﹐“藍精靈”﹐“小雙俠”﹐“足球小將”﹐“黃金戰士”﹐“我係小忌廉”…等 等…等等…都係一D睇過唔會唔記得既卡通片。

    記得做緊“我係小忌廉”既時候﹐我應該讀緊小學六年級。小學畢左業之後無多久﹐我就走鬼左去美國咯﹐所以之後既卡通片我都無乜印象。

    講開“我係小忌廉”﹐我記得個時我地班女仔真係好鬼鐘意睇呢個卡通片。記得有一集係講話小忌廉差D俾人發現左佢既身世﹐搞到我地鬼死咁緊張咁追D劇情。我當時既好同學啊黃ＸＸ佢重離譜﹐唔記得佢話佢自己定話唔知邊個緊張到打電話去電視台問劇情添…

    唉…真係有D懷念以前細個時既日子…