Make your own free website on Tripod.com





手多多,加左少少野. 嘻﹗不過發覺原來用ie或者netscape
出黎既效果都會好唔同. 用ie就有野睇,用netscape就乜都睇唔到不突只,
重會變得好難睇. 所以為免我浪費一番心血, 用ie睇下先走啦, 唔該!! :D

4月1日00年
 
 

嘻﹗我還健在。自從HK旅行回來後﹐就一直都返工返學。
玩自閉。好不容易終於等到放假。好可惜﹐話咁快﹐
又放完假了。

差唔多放左一個半月假啦﹗下個禮拜又開學啦﹗
唉﹗呢個假期都算過得開心﹐不過比想像中唔係咁好學﹗
哈﹗放假前有好多理想﹐想學乜﹐想學物。但係結果﹐嘻﹐
都係等開學先好好地好學一番吧﹗又要玩自閉啦﹗﹕(

自己既網頁﹖唔整囉。一早就再次放棄了啦﹗我咁無聊都
唔會做D咁無聊既事。況且﹐無人有興趣去啦﹗哈哈﹗﹗

哈﹗唔知會唔會有人睇呢頁架呢﹖會唔會掛住我架呢﹖
哈哈哈哈﹗﹗﹗﹗﹗:D
 

1月29日00年
 
 
 
 

好開心﹐好開心呀﹗下個禮拜返HK玩啦﹗
下個禮拜開始我應該又有排都唔會update架啦﹗
(我知...我知﹐我不嬲都好少update架啦﹗嘻﹗)
其實一直都想整個personal homepage(我﹐Sa Sa﹐
o既網頁)不過一直都懶﹐有係有整過﹐不過整得唔好﹐
唔係咁見得人。我諗我應該會放棄呢個personal
homepage﹐HK回來以後要專心D o露﹐
唔應該搞咁多野o露﹕)

我知我平時得罪人多﹐稱呼人少﹐所以各位請唔好係
HK找我“悔”氣﹐嘻﹗講笑咋﹗

好o野﹗又可以再一次大入貨啦﹗尤其係叮噹既貨呀﹗
hmmmm....唔知邊到有“大叮噹”買呢﹗﹖
或者“大叮鈴”買呢﹗﹖hehehehe.... ﹕)
 

7月21日
 
 
 

嘩﹗足足真係成四個月無update過啦﹗都係時候update一下啦。
反正我最近又再次大得閒...嘻...嘻.....唉.....

最近為了省錢﹐無用到aol上網﹐上網都係用免費既netzero。
雖然佢係免費﹐但又唔錯喎﹐比想象中好用﹐唔係太難打通﹐
比起兩年前既aol(打足半粒鐘都唔通)算好很多了。

點update好呢﹖最近又無晒d idea﹐都唔知點update好﹖

呀﹗差d唔記得多謝所有簽過guestbook或讚過呢個網頁既好人。
因為我懶﹐所以我係無立刻reply e-mail既美德。但其實我
每次見到有好人簽我個guestbook既時候﹐我都會好開心架﹗
我在乎架﹗我只不過係懶咋﹗嘻﹗

早排買了這本叮噹大全﹐十分之正呀﹗﹗﹗好正﹐好正呀﹗
睇完之後有種感想﹐就係覺得呢個世界實在太美好了﹐還有很多
東西要我努力地賺錢買回多的﹐嘻﹗總有一天﹐我要有書裡面大
部份既野﹗﹗﹗
 

4月6日